Qarabağda mehmanxana və otel tipli obyektlərin sayı 29 %-ə yaxın artıb

Bu il yanvarın 1-nə Qarabağ iqtisadi rayonunda 18 mehmanxana və otel tipli obyekt olub.

“Report” Dövlət Statistika Komitəsinə istinadən xəbər verir ki, bu, ötən il yanvarın 1-i ilə müqayisədə 28,6 % çoxdur.

Mehmanxana və otel tipli obyektlərin 5-i Ağcabədidə (1 il əvvələ nisbətən dəyişməyib), 4-ü Şuşada (33,3 % çox), 4-ü Tərtərdə (33,3 % çox), 2-si Bərdədə (dəyişməyib), 1-i Xankəndində (yeni yaradılıb), 1-i Ağdamda (yeni yaradılıb) və 1-i Fizulidə (dəyişməyib) yerləşib.