“General Motors” yenə istehsalı dayandırır

ABŞ-ın avtomobil nəhəngi “General Motors” sentyabrda Şimali Amerikadakı istehsalını dayandıracaq.

“Report” xarici mətbuata istinadən xəbər verir ki, bu, hələ də davam edən yarımkeçirici çiplərin defisiti ilə əlaqədardır.

Gələn həftə şirkət İndiana və Meksikada yerləşən iki zavodda, bu ay ərzində isə Şimali Amerikada yerləşən 8 yığım zavodunda istehsalı dayandırmağı planlaşdırır.

Xatırladaq ki, “General Motors” eyni səbəbdən daha əvvəl də istehsalı dayandırmaq məcburiyyətində qalıb.