TƏBİB-in İcraçı direktoru Azərbaycanda koronavirusla bağlı vəziyyəti açıqlayıb

Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov ölkəmizdə koronavirusla bağlı vəziyyəti açıqlayıb.

"Report" xəbər verir ki, o, bu barədə jurnalistlərə açıqlamasında məlumat verib.

İcraçı direktor hazırda karantin rejiminin davam etdiyini xatırladıb. O bildirib ki, Abşeron rayonu Məhəmmədi qəsəbəsində yerləşən modul tipli xəstəxana koronavirus xəstələrinin müalicəsi ilə məşğuldur.

V.Qurbanov söyləyib ki, hazırda Azərbaycanda aktiv koronavirus xəstələri mövcud olduğu üçün və onların müalicələrinin stasionar rejimdə davam etdirildiyi üçün bununla bağlı tədbirlər də davam etdirilir.