Türkiyədə növbəti dəfə zəlzələ baş verib

Türkiyədə növbəti zəlzələ olub.

Bu barədə "Report" Türkiyə mətbuatına istinadən xəbər verir.

Məlumata görə, yeraltı təkanlar Muğlada, Marmaris rayonunda 4,4 maqnitudada, yerli vaxtla saat 07:06-da qeydə alınıb. Zəlzələ ocağı 63,3 km dərinlikdə yerləşib.

Dağıntı və ya tələfat barədə məlumat verilmir. 

Qeyd edək ki, bu, Türkiyədə baş verən ikinci zəlzələdir. Ötən gün də ölkənin cənub-qərbində zəlzələ qeydə alınıb.