Ukraynada hərbi vəziyyət və səfərbərlik müddəti uzadılıb

Ukrayna Prezidenti Volodimir Zelenski ölkədə hərbi vəziyyətin uzadılması və ümumi səfərbərlik haqqında qanunları imzalayıb.

“Report” xəbər verir ki, bu barədə “RBK-Ukrayna” Ukrayna Ali Radasının saytına istinadən məlumat yayıb.

Bildirilib ki, sözügedən qanunlar avqustun 12-dən etibarən, azı daha 90 gün, başqa sözlə, noyabrın 9-dək qüvvədə olacaq.

Qeyd edək ki, Ukraynada bu hüquqi rejim Rusiyanın hərbi müdaxiləsi başlayandan bəri artıq 12 dəfə uzadılıb.