Türkiyə MSK bələdiyyə seçkilərinin yekun nəticələrinə açıqlayıb

Türkiyənin Mərkəzi Seçki Komissiyası (MSK) martın 31-də yerli hakimiyyət orqanlarında keçirilən seçkilərin yekun nəticələrini açıqlayıb.

“Report” xəbər verir ki, bu barədə jurnalistlərə MSK-nın sədri Əhməd Yener bildirib.

Onun sözlərinə görə, seçkilərdə 57,7 milyon Türkiyə vətəndaşı iştirak edib, seçici fəallığı 78,1% təşkil edib: “Səsvermə sakit şəraitdə keçib, nəticələrinə təsir edəcək ciddi pozuntu halları qeydə alınmayıb”.

MSK sədri vurğulayıb ki, müəyyən edilmiş pozuntulara görə bəzi yerlərdə iyunun 2-də təkrar seçkilər keçiriləcək.

Qeyd edək ki, Türkiyədə keçirilmiş bələdiyyə seçkilərində 30 böyük şəhərin meri, bələdiyyə və yerli özünüidarəetmə orqanlarının başçıları seçilib.