Türkiyə İstanbul danışıqlarının atəşkəslə nəticələnəcəyinə ümid edir

Türkiyə Rusiya və Ukrayna nümayəndə heyətləri arasında İstanbulda keçiriləcək danışıqların atəşkəsə töhfə verəcəyinə ümid edir.

“Report” xarici KİV-ə istinadən xəbər verir ki, bu barədə Türkiyə Prezident Administrasiyası məlumat yayıb.

"Prezidentin bəyanatlarından da göründüyü kimi, tərəflərin bölgədə atəşkəsin və davamlı sülhün təmin edilməsinə xidmət edəcək danışıqlar üçün yenidən İstanbulda toplanacağını gözləyirik. Türkiyənin qapıları hər zaman açıqdır", - məlumatda bildirilib.

Qeyd olunurb ki, İstanbul artıq danışıqlara ev sahibliyi etməyə hazırdır: “Hər şey hazırdır, bütün məsələlər, o cümlədən danışıqların təhlükəsizliyi təmin olunacaq”.