İstanbulda Rusiya - Ukrayna danışıqları başa çatıb - YENİLƏNİB

İstanbulda Rusiya və Ukrayna nümayəndə heyətləri arasında danışıqlar başa çatıb.

"Report" xəbər verir ki, bu barədə Rusiya KİV-ləri məlumat yayıb.

Qeyd olunur ki, danışıqlar bir saatdan çox davam edib və rus dilində aparılıb.

15:48

İstanbulda Rusiya və Ukrayna nümayəndə heyətləri arasında növbəti danışıqlar raundu başlayıb.

"Report" xəbər verir ki, bu barədə Rusiya KİV-ləri məlumat yayıb.

Türkiyə Xarici İşlər Nazirliyindən bildirilib ki, danışıqlara ölkənin xarici işlər naziri Hakan Fidan, kəşfiyyat xidmətinin rəhbəri İbrahim Kalın, Baş Qərargah rəisi Metin Gürak daxildir.

Qeyd edək ki, üç ildən sonra Rusiya və Ukrayna arasında ilk birbaşa danışıqlar mayın 16-da İstanbulda keçirilib.