Soydaşlarımız Aİ-nin Tbilisidəki ofisi qarşısında etiraz aksiyası keçiriblər

Gürcüstanın paytaxtında "Azərbaycan Evi"nin təşəbbüsü və təşkilatçılığı ilə Avropa ittifaqının Tbilisi ofisinin önündə "Ayrı-seçkiliyə və ikilli standartlara son!" tələbi ilə aksiya təşkil olunub.

"Report"un yerli bürosu xəbər verir ki, aksiyada "Erməni terroruna son", "Ekoloji terrora son" və digər şüarlar səsləndirilib.

"Azərbaycan Evi"nin rəhbəri Məhəbbət İmanov bildirib ki, aksiya AŞ PA-nın qərəzli mövqeyinə və erməni yalanlarına son qoymaq məqsədilə təşkil olunub.

Aksiyada yüzlərlə azərbaycanlı iştirak edib.