Rusiyanın Ermənistandakı hərbi bazasından yenə əsgər qaçıb

Bakı. 3 avqust. REPORT.AZ/ Rusiyanın Gümrüdə yerləşən 102-ci hərbi bazasından yenə əsgər qaçıb.

"Report" Ermənistan KİV-inə istinadən xəbər verir ki, adı açıqlanmayan hərbçi Voskeask kəndinin sakinləri tərəfindən saxlanılaraq Rusiya sərhədçilərinə təhvil verilib.

Bu informasiyanı Şirak vilayətinin Voskeask kənd administrasiyasının rəhbəri Artaşes Saakyan da təsdiq edib.

"Üç nəfər onu saxlayıb və hərbi hissəyə qaytarıb", - deyə A.Saakyan bildirib. Amma o, əsgərin üzərində silah olub-olmadığına aydınlıq gətirməyib.

Xatırladaq ki, 2015-ci il yanvarın 12-də Gümrüdəki hərbi baza qaçan rusiyalı hərbçi Valeri Permyakov Avetisyan ailəsinin 6 üzvünü güllələmişdi.