Rusiyada hamilə qadın yeddinci mərtəbədən yıxıldıqdan sonra sağ qalıb

Rusiyada 28 yaşlı hamilə qadın Vladivostokda yaşayış binasının yeddinci mərtəbəsindən yıxıldıqdan sonra sağ qalıb və yalnız əzik xəsarətləri alıb.

"Report" TASS-a istinadən xəbər verir ki, bu barədə Primorsk Diyarı Səhiyyə Nazirliyinin mətbuat xidmətindən bildirilib.

Qadının sözlərinə görə, o gecə yata bilməyib və pəncərəni silmək qərarına gəlib. Təmizlik zamanı qadının ayağı sürüşüb və o, arxasıüstə pəncərədən yıxılıb.

Onun qışqırığını eşidən qonşusu təcili yardım çağırıb.

Hazırda zərərçəkən həkimlərin nəzarəti altındadır. Onun həyatı üçün təhlükə yoxdur.