Marlen Mamataliyev Qırğızıstan parlamentinin yeni sədri olub - YENİLƏNİB

Qırğızıstanın Joqorqu Keneşinin (parlament) yeni sədri deputat Marlen Mamataliyev seçilib.

"Report" Qırğızıstan KİV-ə istinadən xəbər verir ki, qərar parlamentin bugünkü iclasında qəbul edilib.

Səsvermədə 83 deputat iştirak edib.

M.Mamataliyevin namizədliyini 77 parlamentari dəstəkləyib, beşi əleyhinə çıxıb, bir bülleten etibarsız sayılıb.

11:23

Qırğızıstan Joqorku Keneşinin (parlament) sədri vəzifəsinə deputat Marlen Mamataliyev irəli sürülüb.

"Report"un Qırğızıstan KİV-lərinə istinadən verdiyi məlumata görə, bu, fevralın 12-də keçirilən parlamentin iclasında məlum olub.

Onun namizədliyini "Eldik" və "Ala-Too" deputat qrupları irəli sürüb.

Xatırladaq ki, əvvəlki spiker Nurlanbek Turqunbek uulu bu gün istefa verib, lakin deputat kimi fəaliyyətini davam etdirəcək.