Papoyan: Ermənistan və Azərbaycanın yüz milyonlarla dollarlıq ticarət potensialı var

Ermənistan və Azərbaycan yüz milyonlarla dollarlıq ikitərəfli ticarət potensialına malikdir.

"Report" yerli KİV-ə istinadən xəbər verir ki, bu barədə jurnalistlərə Ermənistanın iqtisadiyyat naziri Gevorq Papoyan bildirib.

O xatırladıb ki, Bakı İrəvana Ermənistana tədarük edə biləcəyi "çoxsaylı malların siyahısını" təqdim edib.

"Biz də öz növbəmizdə onlara (Azərbaycana - red.) öz siyahımızı təqdim etmişik. Ticarət olacaq. Mən əminəm ki, yüz milyonlarla dollarlıq ikitərəfli ticarət potensialı mövcuddur", - nazir bildirib.