Nikol Paşinyan Moskvaya səfər edəcək

Ermənistanın Baş naziri Nikol Paşinyan Hamburqudan Moskvaya yollanacaq.

"Report" Ermənistan KİV-inə istinadən xəbər verir ki, bu barədə N.Paşinyan Hamburqda jurnalistlərlə deyib.

"Avrasiya İqtisadi İttifaqı Hökumətlərarası Şurasının iclasında iştirak etmək üçün Moskvaya səfər edəcəm. Biz Avropa İttifaqı ilə münasibətlərimizi dərinləşdiririk, digər tərəfdən - buradan Moskvaya yollanıram. Heç bir narahatlıq yoxdur", - deyə Baş nazir bildirib.

Xatırladaq ki, Nikol Paşinyan Almaniyada rəsmi səfərdə olub. Berlində danışıqlardan sonra o, Hamburqa gedib, orada şəhər mer Peter Henşerlə görüşüb.