Mahaçqalada yanğın baş verib, 200-dən çox insan təxliyə edilib

Mahaçqalada tələbə yataqxanasında baş verən yanğın nəticəsində 200-dən çox insan təxliyə edilib.

“Report” xəbər verir ki, bu barədə Rusiya KİV-ləri RF Fövqəladə Hallar Nazirliyinin (FHN) Dağıstan üzrə Baş İdarəsinə istinadən məlumat yayıb.

"Mahaçqalada Rəsul Həmzətov adına Dağıstan Dövlət Pedaqoji Universitetinin yataqxanasında yanğın barədə məlumat daxil olub. Rusiya FHN-in əməkdaşları tərəfindən 220 nəfər təxliyə edilib. Hadisə nəticəsində ölən və xəsarət alan olmayıb", - məlumatda qeyd olunub.

İkinci mərtəbədəki otaqda 20 kvadratmetr sahədə yanğın söndürülüb.