Kobaxidze: 2030-cu ilə qədər Gürcüstanda yoxsulluq sıfıra enəcək

Gürcüstan eyni sürətlə inkişaf etməyə davam edərsə, yoxsulluğun səviyyəsi 2030-cu ilə qədər əhəmiyyətli dərəcədə azala bilər.

"Report" xəbər verir ki, bunu Gürcüstanın Baş naziri İrakli Kobaxidze "Rustavi-2" telekanalına müsahibəsində deyib.

“Əlbəttə, biz yoxsulluğu sıfıra endirmək üçün hələ də Avropa standartlarına çatmaqdan uzağıq, lakin eyni şəkildə davam etsək, 2030-cu ilə qədər əhəmiyyətli dönüş nöqtəsi olacaq”, - Baş nazir bildirib.

Kobaxidze vurğulayıb ki, yanvar-may aylarında Gürcüstanda iqtisadi artım 9,3%, işsizlik səviyyəsi isə 16,4% təşkil edib.