İranda İsraillə əməkdaşlıqda təqsirli bilinən siyasi məhbusa ölüm hökmü verilib

İranda siyasi məhbus Məhəmmədəmin Məhdəvi Şayeste İsraillə əməkdaşlıq etməkdə təqsirli bilinərək barəsində edam hökmü çıxarılıb.

“Report” xəbər verir ki, məlumatı “ir.voanews.com” yayıb.

Bildirilib ki, 26 yaşlı siyasi məhbus 2023-cü ilin payızında həbs edilib. Məlumata görə, o, Tehrandakı Evin həbsxanasında istintaq zamanı İslam respublikasının təhlükəsizlik qurumları tərəfindən işgəncəyə və təzyiqlərə məruz qalıb.

İnformasiyaya əsasən, o, bir sıra məsələlər üzrə, o cümlədən “islam müqəddəslərini təhqir etməkdə”, başlıcası, “sülh və təhlükəsizliyə qarşı İsraillə əməkdaşlıqda” ittiham olunub.