İran XİN: ABŞ nüvə danışıqları ilə bağlı ziddiyyətli siqnallar göndərir

ABŞ İrana üçüncü ölkələr vasitəsilə nüvə danışıqlarına dair ziddiyyətli siqnallar göndərir.

"Report"un "Reuters"ə istinadən verdiyi məlumata görə, bu barədə İran xarici işlər nazirinin müavini Səid Xətibzadə Əbu-Dabidə keçirilən 12-ci strateji müzakirələrdə bildirib.

Onun sözlərinə görə, İran dinc məqsədlər üçün nüvə razılaşmasının tərəfdarı olsa da, milli təhlükəsizlik məsələlərində güzəştə getməyəcək.

S.Xətibzadə həmçinin Tehranın ölkənin nüvə silahı əldə etməyə çalışmadığı ilə bağlı mövqeyini də təsdiqləyib.