İran İsrailin “Hizbullah”a hücumundan sonra tədbirlər görəcək

İran hökuməti Livan xalqına başsağlığı verir və İsrailin “Hizbullah”ın Beyrutun cənubundakı yeraltı qərargahına hava hücumundan sonra müvafiq tədbirlər görəcək.

“Report”un “Tasnim” agentliyinə istinadən verdiyi məlumata görə, bunu İran Prezidenti Məsud Pezeşkian deyib.

“İran hökuməti İsrailin son cinayətinə qarşı tədbir görəcək və həmişə Livan xalqının tərəfində olacaq”, - deyə o fikrini tamamlayıb.

İran lideri hadisəni hərbi cinayət adlandırıb.