Ərdoğanın sözçüsü ABŞ-ın BMT-dəki səfiri ilə görüşüb

Türkiyə prezidentinin sözçüsü İbrahim Kalın iyunun 2-də Ankarada ABŞ-ın BMT-dəki səfiri Linda Tomas-Qrinfildlə görüşüb.

“Report” “TRTHaber”ə istinadən xəbər verir ki, bu barədə Türkiyə Prezident Administrasiyası məlumat yayıb.

Görüşdə Suriya, Liviya, Əfqanıstan, Fələstin, İran və İraq kimi regional məsələlər, miqrasiya, humanitar yardımlar, terrora qarşı mübarizə, BMT çərçivəsində Türkiyə-ABŞ əməkdaşlığı müzakirə olunub.