Xocavənddə və Talış kəndində itkin erməni hərbçilərin meyitləri aşkarlandı

Azərbaycan tərəfi ikinci Qarabağ müharibəsində həlak olmuş iki erməni hərbçinin meyitini Ermənistana təhvil verib.

“Report”un xəbərinə görə, bu barədə Ermənistan mətbuatı məlumat yayıb.

Məlumata görə, onlar bu günə kimi itkin düşmüş sayılırdılar. Hərbçilərin meyitləri Xocavənddə, Talış kəndində aşkarlanıb.

Bununla da Qarabağda meyitləri tapılan erməni hərbçilərin sayı 1 232 nəfərə çatıb.

Qeyd edək ki, bunlar itkin sayılan erməni hərbçilərin sayıdır. Ermənistanın Səhiyyə Nazirliyi daha əvvəl müharibədə həlak olmuş 3 300-dən çox hərbçinin meyitinin ekspertizadan keçirildiyini xəbər verib.

Bu gün itkin erməni hərbçilərin axtarışları Şuşada, Hadrutda, Cəbrayılda və Füzulidə də davam etdirilib.