“Sülhün Kökləri” təşkilatının rəhbəri Füzulidə mina terrorunun qurbanları ilə görüşüb

İşğaldan azad edilmiş ərazilərdə səfərdə olan “Sülhün Kökləri” (Roots of Peace) beynəlxalq humanitar təşkilatının təsisçisi və rəhbəri Heidi Kühn Füzuli rayonunun Əbdürrəhmanlı kəndində olub.

“Report”un Qarabağ bürosunun verdiyi xəbərə görə, burada qonağa kəndin ermənilər tərəfindən tamamilə dağıdılması barədə geniş məlumatlar verilib.

Daha sonra H.Kühn ermənilərin mina terrorunun qurbanı olan Əbdürrəhmanlı kənd sakinləri ilə görüşüb, həmsöhbət olub.

Sakinlər mina terrorunun onların həyatında açdığı sağalmaz yaralardan söz açıb, qonağa bu acı həqiqəti dünya ictimaiyyətinə çatdırılmasını xahiş ediblər.