Kəlbəcərdə minaya düşərək həlak olan jurnalistin nəşi Bakıya gətirildi - VİDEO

Kəlbəcərdə minaya düşərək həlak olan jurnalistin nəşi Bakıya gətirildi - VİDEO Kəlbəcərdə minaya düşərək dünyasını dəyişən AZƏRTAC-ın əməkdaşı Məhərrəm İbrahimovun nəşi Bakıya gətirilib.
Qarabağ
383
5 İyun , 2021 01:17
Kəlbəcərdə minaya düşərək həlak olan jurnalistin nəşi Bakıya gətirildi - VİDEO

Kəlbəcərdə minaya düşərək dünyasını dəyişən AZƏRTAC-ın əməkdaşı Məhərrəm İbrahimovun nəşi Bakıya gətirilib.

"Report"un əməkdaşı xəbər verir ki, M.İbrahimovun nəşi ailəsinə təhvil verilib.

Bu gün şəhid jurnalistlə yaşadığı Binəqədi rayonu, Rəsulzadə qəbəbəsi, Cəfər Cabbarlı küçəsi 10 ünvanındakı evində vida mərasimi keçiriləcək.

Mərasimdən sonra onun cənazəsi torpağa tapşırılacaq.

Qeyd edək ki, Kəlbəcər rayonunun Susuzluq kəndi ərazisindəki yolda çəkiliş qrupunun üzvlərini aparan nəqliyyat vasitəsi dünən səhər saatlarında tank əleyhinə minaya düşüb. Partlayış nəticəsində çəkiliş qrupunun iki üzvü - Azərbaycan Televiziyasının (AzTV) operatoru Sirac Abışov və Azərbaycan Dövlət İnformasiya Agentliyinin müxbiri Məhərrəm İbrahimov, habelə rayon icra hakimiyyətinin nümayəndəsi Arif Əliyev həlak olub, daha 4 nəfər isə yaralanıb.

Faktla bağlı Azərbaycan Respublikası Cinayət Məcəlləsinin 100.2 (təcavüzkar müharibəni planlaşdırma, hazırlama, başlama və ya aparma), 116.0.6 (silahlı münaqişə zamanı beynəlxalq humanitar hüquq normalarını pozma) və digər maddələri ilə cinayət işi başlanıb.

Son xəbərlər

Orphus sistemi