Rusiya və Azərbaycan parlamentləri arasında əməkdaşlıq Sazişi imzalanacaq

“Rusiya və Azərbaycan strateji tərəfdaş olan ölkələrdir və hazırda iki ölkənin parlamentləri arasında əməkdaşlıq haqqında Saziş sənədi üzərində iş gedir”.

“Report” xəbər verir ki, bunu Rusiya Dövlət Dumasının Sədri Vyaçeslav Volodin Milli Məclisin Sədri Sahibə Qafarovanın başçılıq etdiyi Azərbaycan parlament nümayəndə heyəti ilə görüşündə deyib.

O bildirib ki, Rusiya təkcə parlamentlər səviyyəsində deyil, həyatın digər sahələrində də Azərbaycanla əməkdaşlığın inkişafında maraqlıdır.