Fəzail Ağamalı: "Eldəniz Səlimov polisə deyib ki, fəxr elə səni deputat döyüb"

“Hadisə baş verib və fakt ortadadır. Milli Məclisin üzvü Eldəniz Səlimov öz səlahiyyətini aşıb”.

“Report”un xəbərinə görə, bunu Milli Məclisin İntizam komissiyasının sədr müavini Fəzail Ağamalı deyib.

“Milli Məclisin deputatı polis zabitini yanına çağırıb və onu döyüb. Üstəlik hələ deyib ki, fəxr elə səni Milli Məclisin deputatı döyüb”, - F.Ağamalı vurğulayıb.

O bildirib ki, emosional çıxışlara ehtiyac yoxdur: “Bizə belə bir millət vəkili lazım deyil. Belə olan halda biz nədən danışa bilərik? Ona acımaq və təəssüf etmək olar. Amma törətmiş olduğu cinayətlə barışmaq olmaz. Hər bir şəxs qanun qarşısında bərabərdir. Deputat cəmiyyətə nümunə olmalıdır”.