İraqlı ekspert: "Erməni lobbisinin qurduğu təbliğat iflasa uğradı"

"Erməni lobbisinin təsiri ilə ərəbdilli mətbuatda Azərbaycan haqqında dezinformasiyalar yayılıb".

"Report"un Şuşaya ezam olunan əməkdaşı xəbər verir ki, bunu İraq Respublika Strateji Araşdırmalar Mərkəzinin direktoru Matz Muhy Abdulhamid Obada Şuşada keçirilən Beynəlxalq Media Forumunda çıxış edərkən söyləyib.

"Çox sevinirəm ki, bu çıxışımı müqəddəs Şuşa torpağında edirəm", - o vurğulayıb.

Ekspertin fikrincə, ermənilərin öz lobbilərindən istifadə edərək illərdir qurduğu təbliğat 44 günlük müharibədən sonra iflasa uğrayıb: "Azərbaycanın Füzuli, Ağdam, Cəbrayıl və s. ərazilərində törədilən dağıntıları bütün dünya gördü".