Yuxarı
    Bağlamaq

    Avstraliyada 103 il əvvəl itmiş sualtı qayıq tapılıb

    Onun yoxa çıxma səbəbləri indiyədək məlum deyil

    Bakı. 21 dekabr. REPORT.AZ/ Avstraliyanın ilk sualtı qayığının qalıqları o itdikdən 103 il sonra tapılıb.

    “Report” TASS-a istinadən xəbər verir ki, bu barədə cümə axşamı ölkənin Müdafiə Nazirliyi məlumat yayıb.

    "Avstraliyanın qocaman hərbi-dəniz sirri Papua - Yeni Qvineyanın tərkibinə daxil olan Dyuk-of-York adaları sahillərində ölkənin ilk sualtı qayığı olan "HMAS AE1"nin tapılması açılıb", - deyə Nazirliyin saytında yerləşdirilmiş məlumatda bildirilir.

    Sualtı qayığın yerini ötən həftə başlayan ekspedisiya zamanı müəyyən etmək mümkün olub. "The Australian" qəzetinin məlumatına görə, sualtı qayığı sayca on üçüncü dəfə tapmaq cəhdi uğurla nəticələnib. Bildirilir ki, gəmi 300 metr dərinlikdə olub.

    Sualtı qayıq 1914-ci ilin 14 sentyabrında Yeni Britaniya adaları (Papua - Yeni Qvineyanın tərkibinə daxildir) rayonunda itkin düşüb. Onun göyərtəsində 35 ekipaj üzvü olub. İndiyədək onun itməsinin səbəbləri məlum deyil.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi