Yanvarda Naxçıvanın xarici ticarət dövriyyəsi artıb

Bakı. 21 fevral. REPORT.AZ/ Bu ilin yanvarında Naxçıvan Muxtar Respublikasında 29 milyon 721 min 400 ABŞ dolları dəyərində xarici ticarət dövriyyəsi qeydə alınıb.

Bu barədə "Report" Naxçıvan Muxtar Respublikası Dövlət Statistika Komitəsinə istinadən məlumat verir.

Məlumata görə, ixracın dəyəri 2018-ci ilin müvafiq dövrü ilə müqayisədə artaraq 23 milyon 950 min ABŞ dolları təşkil edib, 18 milyon 178 min 600 ABŞ dolları dəyərində müsbət saldo yaranıb.

2018-ci ildə muxtar respublika iqtisadiyyatında bir işçiyə hesablanmış orta aylıq əməkhaqqı 433 manat təşkil edib ki, bu da 2017-ci illə müqayisədə 3,1 faiz çoxdur.

Bu ilin yanvarında Naxçıvan Muxtar Respublikasında 8 milyon 229 min 400 manatlıq kənd təsərrüfatı məhsulları istehsal olunub.