Ötən ay Naxçıvanda 8,2 milyon manatdan çox kənd təsərrüfatı məhsulları istehsal olunub

Bakı. 21 fevral. REPORT.AZ/ Bu ilin yanvarında Naxçıvan Muxtar Respublikasında 8 milyon 229 min 400 manatlıq kənd təsərrüfatı məhsulları istehsal olunub.

Bu barədə "Report" muxtar respublikanın Dövlət Statistika Komitəsinə istinadən xəbər verir.

Məlumata görə, bu da 2018-ci ilin müvafiq dövrü ilə müqayisədə 3 faiz çoxdur.

Həmin dövr ərzində diri çəkidə ət istehsalı 2028 tonu, süd istehsalı isə 2005 tonu ötüb. 2018-ci ilin müvafiq dövrü ilə müqayisədə ət istehsalı 3,1 faiz, süd istehsalı isə 1,6 faiz artıb.