Azərbaycanda sair vergi daxilolmaları üzrə proqnoz 5 % azaldılır

2024-cü ildə Azərbaycanda dövlət büdcəsi gəlirlərinin 21 milyon manatının və yaxud 0,1 %-nin vergi orqanlarının xətti ilə toplanan sair daxilolmaların payına düşəcəyi proqnozlaşdırılır.

"Report" bu barədə Maliyyə Nazirliyinə istinadən xəbər verir.

Məlumata görə, bu, 2023-cü ilin təsdiq olunmuş proqnozu ilə müqayisədə 4,5 % azdır.

Xatırladaq ki, gələn il büdcə gəlirlərinin 34 milyard 173 milyon manat, büdcə xərclərinin isə 36 milyard 763 milyon manat olacağı gözlənilir.