Kişi voleybolçular arasında Azərbaycan çempionatında ilin ilk oyunları keçiriləcək

Bu gün kişi voleybolçular arasında Azərbaycan Yüksək Liqasında 2025-ci ilin ilk oyunları keçiriləcək.

"Report"un məlumatına görə, IV turun açılış matçında MOİK "Azərreyl"lə üz-üzə gələcək.

Qarşılaşma saat 16:00-da start götürəcək.

İki saat sonra "Murov Az Terminal" - "Xilasedici" görüşü başlayacaq. Hər iki matç Gənclər və İdman Nazirliyinin Voleybol Mərkəzində təşkil olunacaq.

Qeyd edək ki, turun "Neftçi" - "Gənclər" oyunu yanvarın 8-də baş tutacaq.