Gəncə klubu Hollandı heyətinə qatıb

"Gəncə" basketbol klubu yeni oyunçu transfer edib.

"Report" xəbər verir ki, qərb təmsilçisi ABŞ-dən olan Lavon Holland ilə anlaşıb.

Oyunqurucusu mövqeyində çıxış edən basketbolçu 188 sm boya malikdir. Lavon 57 nömrəli formanı geyinəcək.

Holland son mövsümü Lüksemburqda keçirib. "BBC Mambra Mamer" klubunda oynamış 30 yaşlı basketbolçu liqanın assist lideri olub.