Azərbaycan yığması Avropa çempionatının II təsnifat mərhələsində iştirak edəcək

16 yaşadək oğlan voleybolçulardan ibarət Azərbaycan yığması Avropa çempionatının II təsnifat mərhələsində iştirak edəcək.

Federasiyadan "Report"a verilən məlumata görə, komanda yarışa ev sahibliyi edəcək İspaniyaya yola düşüb.

U-16 B qrupunda mübarizə aparacaq. Millinin rəqibləri meydan sahibi ilə yanaşı, Estoniya və Avstriya komandaları olacaq.

Yarışda Azərbaycan yığmasına Cahangir Seyed Abbasi rəhbərlik edəcək.

Qeyd edək ki, aprelin 25-27-si aralığında İspaniyada keçiriləcək qitə birinciliyinin II təsnifat mərhələsində 20 komanda 5 qrupda mübarizə aparacaq. Qruplarda ilk iki pillədə qərarlaşacaq kollektivlər, həmçinin üçüncü yeri tutacaq ən yaxşı iki komanda yarışın final mərhələsinə vəsiqə qazanacaqlar.