İranın yol və şəhərsalma naziri Azərbaycana gəlir

İyunun 8-9-da İranın yol və şəhərsalma naziri Məhəmməd Eslami Azərbaycanda səfərdə olacaq.

Bu barədə "Report"a İranın Azərbaycandakı səfirliyindən bildirlib.

Məlumata görə, səfərin əsas məqsədi avtomobil və dəmir yolu ilə yük daşımaları sahəsində iki ölkənin birgə layihələri üzrə yekun razılaşmaların əldə olunmasıdır.

İranlı nazir yüksək səviyyəli heyətin müşayiəti ilə Naxçıvanda, sonra isə Bakıda görüşərək danışıqlar aparacaq.