Azərbaycandakı aqroparklarda pivotaltı sahələr 100 min hektara çatdırılacaq

Yaxın 5 il ərzində Azərbaycandakı aqroparklarda pivotaltı sahələrin 100 min hektara çatdırılması nəzərdə tutulur.

"Report" xəbər verir ki, bunu iqtisadiyyat naziri Mikayıl Cabbarov "Twitter"də bildirib.

"Müasir suvarma sistemləri ənənəvi metodla müqayisədə suya 2 dəfəyə qədər qənaət etməklə məhsuldarlığın 50 %-dən çox artmasına müsbət təsir edir. İqtisadi Zonaların İnkişafı Agentliyinin idarəçiliyində olan aqroparklarda pivot suvarma sistemlərinin tətbiqi ilə suvarılan sahələr son 3 ildə 5,5 min hektar artaraq 46,2 min hektara çatıb. Bu, ölkədə pivot sistemlərlə suvarılan ümumi 57,4 min hektar sahənin 80 %-ni təşkil edir", - deyə o qeyd edib.