"Supermen" filmlərindən tanınan aktrisa Marqo Kidder vəfat edib

Bakı. 15 may. REPORT.AZ/ "Supermen" filmlərində baş qəhrəmanın sevgilisi rolunu canlandıran amerikalı aktrisa Marqo Kidder 70 yaşında vəfat edib.

"Report" TMZ nəşrinə istinadən xəbər verir ki, aktrisa mayın 13-də Montanta ştatındakı evində dünyasını dəyişib.

Onun hansı səbəbdən öldüyü məlum deyil.

Kidder 1978-ci ildə Riçard Donner tərəfindən çəkilmiş "Supermen" filmindən sonra məşhurlaşıb. O, ekran əsərində Supermenin sevgilisi olan Lois Leyn rolunu canlandırıb. Kidder həmçinin "Supermen 2", "Supermen 3" və "Supermen 4: Sülh uğrunda mübarizə" filmlərində çəkilib.

Aktrisanın bir qızı var.