Bakı 15° C
https://static.report.az/photo/e2a9f57e-8b43-4eb9-a871-9b51d37b5768.jpg
Bakı. 13 oktyabr. REPORT.AZ/ Akademik Milli Dram Teatrında yeni tamaşanın premyerası keçiriləcək.
"Report" xəbər verir ki, teatrda Qriqori Qorinin "Herostratı unudun" əsəri əsasında hazırlanan tamaşanın yekun məşqləri gedir.
Premyeranın oktyabrın 30-da təqdim edilməsi nəzərdə tutulub. Tamaşaya Mehriban Ələkbərzadə quruluş verib.
Rolları xalq artisti Cəfər Namiq Kamal, əməkdar artistlər Sabir Məmmədov, Elşən Rüstəmov, Ayşad Məmmədov, İradə Ağasıbəyli, Münəvvər Əliyeva, aktyorlar Hikmət Rəhimov, Vüsal Mustafayev və başqaları ifa edəcək.
