Pedaqoji Universitetin 100 illiyi ilə bağlı poçt markası buraxılıb

Rəqəmsal İnkişaf və Nəqliyyat Nazirliyinə məxsus “Azərpoçt” MMC yeni poçt markası buraxıb.

"Report" nazirliyə istinadən xəbər verir ki, marka Azərbaycan Dövlət Pedaqoji Universitetinin 100 illik yubileyinə həsr olunub.

Buraxılış 2 markadan ibarət blok şəklində hazırlanıb. Poçt markası 3 min tirajla Belarusun Bobruysk şəhərində çap edilib. Onun müəllifi rəssam Orxan Qarayevdir.

Poçt markası ilə yanaşı, 200 ədəd Birinci gün zərfi də hazırlanıb.