Mask: “SpaceX” 2023-cü ildə orbitə bütün dünyadan 4 dəfə çox yük çatdıracaq

Amerikalı sahibkar İlon Mask bildirib ki, rəhbərlik etdiyi “SpaceX” şirkəti 2023-cü ildə Yer orbitinə dünyanın qalan hissəsinə nisbətən dörd dəfə çox yük daşıyacaq.

"Report"un məlumatına görə, bu barədə milyarder “X” sosial şəbəkəsindəki səhifəsində yazıb.

Beləliklə, bu il “SpaceX” orbitə təxminən 1 600 ton faydalı yük daşımağı planlaşdırır. Dünyanın qalan hissəsi cəmi 400 tona yaxın tədarük edəcək ki, bunun da böyük hissəsi Çin tərəfindən təmin olunacaq.