"Google" 10 mlrd. dollarlıq layihədən imtina edib

Bakı. 9 oktyabr. REPORT.AZ/ ABŞ-ın "Google" şirkəti ölkənin Müdafiə Nazirliyinin (Pentaqon) keçirdiyi bulud texnologiyaları ilə bağlı müsabiqədə iştirak etməkdən imtina edib. 

Bu barədə "Report" xarici mətbuata istinadən xəbər verir. 

Qeyd edək ki, müsabiqənin qalibi Pentaqon üçün xüsusi müdafiə infrastrukturu (Joint Enterprise Defense Infrastructure cloud - JEDI) yaratmalıdır. Dəyəri 10 mlrd. ABŞ dolları olan layihə 10 il müddətinə həyata keçirilməlidir. 

"Google"un müsabiqəyə qatılmaması bu layihənin şirkətin suni intellektin tətbiqi ilə bağlı etik prinsiplərinə zidd olması ilə izah olunur.