Yuxarı
    Bağlamaq

    Tərtərdə məcburi köçkünün minaya düşməsinin təfərrüatı məlum olub - FOTO - VİDEO

    Dinlə
    © Report

    Tərtər. 11 oktyabr. REPORT.AZ/ Tərtər rayon sakini minaya düşüb.

    Bu barədə "Report"un Qarabağ bürosuna rayonun Həsənqaya kənd icra nümayəndəsi İlqar Qasımov məlumat verib.

    İ.Qasımov bildirib ki, hadisə bu gün səhər saatlarında qoşunların təmas xəttində baş verib.

    İcra nümayəndəsi əlavə edib ki, A.Həsənov piyada əleyhinə minaya düşüb: "Kəlbəcər rayonundan olan məcburi köçkün, 1996-cı il təvəllüdlü Azad Həsənov ərazidə mal-qara otararkən hava dumanlı olduğundan təmas xəttində minalanmış əraziyə girib. Hadisədən sonra özünü itirməyən Azad telefonla qardaşına və dostlarına zəng edərək minaya düşdüyünü bildirib". 

    Yaralı ilk olaraq Tərtər Rayon Mərkəzi Xəstəxanasına çatdırılıb. Vəziyyəti ağır olduğundan, daha sonra Bərdə Rayon Mərkəzi Xəstəxanasına yerləşdirilib. 

    Xəstəxananın həkim-travmatoloqu Hafiz Əliyev "Report"un yerli bürosuna bildirib ki, A.Həsənov cərrahiyyə əməliyyatı olunub və onun bir ayağı amputasiya edilib.

    Qeyd edək ki, Səhiyyə Nazirliyindən "Report"a bildirilib ki, yaralının vəziyyəti ağırdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi