Sumqayıtda yanğında ölən qadının kimliyi məlum olub - YENİLƏNİB

Sumqayıtda yanğın nəticəsində ölən qadının kimliyi məlum olub.

“Report”un yerli bürosu məlumat verir ki, həyatını itirən qadın 1951-ci il təvəllüdlü Əmişova Lyubov Fyodorovnadır.

Qeyd edək ki, şəhərin həmin hissəsində təqribən 300 kv.metrlik kolluq ərazi və ümumi sahəsi 20 kv.metr olan yardımçı tikili yanıb. Nəticədə tikilinin içərisində bir nəfər yanaraq ölüb.

Faktla bağlı araşdırma aparılır.

Sumqayıt şəhərində qadın yanaraq ölüb.

“Report”un yerli bürosunun məlumatına görə, hadisə şəhərin “Betonzavod” adlanan ərazisində baş verib.

Belə ki, şəhərin həmin hissəsində təqribən 300 kv.metrlik kolluq ərazi və ümumi sahəsi 20 kv.metr olan yardımçı tikili yanıb. Nəticədə tikilinin içərisində bir nəfər şəxsiyyəti naməlum, tüfeyli həyat sürən 40-45 yaşlı qadın yanaraq ölüb.

Faktla bağlı araşdırma aparılır.