Nərimanovda avtomobil içkili piyadanı vuraraq ağır xəsarət yetirib

Bakının Nərimanov rayonunda 35 yaşlı kişini avtomobil vurub.

“Report”un məlumatına görə, Heydər Əliyev prospektində piyadalar üçün nəzərdə tutulmayan ərazidən yolu keçən 1988-ci il təvəllüdlü Qəhrəmanov Elçin Kamal oğlunu avtomobil vurub.

İçkili şəxs təcili tibbi yardımın köməkliyi ilə xəstəxanaya çatdırılıb.

Müayinə zamanı ona sağ baldır sümüklərinin açıq yerdəyişən sınığı diaqnozu qoyulub.

Hadisənin təfərrüatı araşdırılır.