Mingəçevirdə bir neçə ay əvvəl həyat yoldaşını qətlə yetirmiş qatilin anası özünə qəsd edib

Mingəçevir. 7 avqust. REPORT.AZ/ Mingəçevir şəhərində bir neçə ay əvvəl həyat yoldaşını qətlə yetirmiş qatilin anası özünə qəsd edib. 

”Report”un Şirvan bürosu xəbər verir ki, hadisə Ş.İ.Xətai küçəsi 16, mənzil 35 ünvanında qeydə alınıb. 

Belə ki, həmin mənzildə yaşayan 1956-cı il təvəllüdlü Nailə Cabbar qızı Əzizova kəsici alətlə qol və boğaz nayihələrinə zərbələr vuraraq intihara cəhd edib. Yaralı xəstəxanaya çatdırılıb, ona ilkin tibbi yardım göstərilib. Hazırda vəziyyəti stabil olaraq qiymətləndirilir.

Qeyd edək ki, N.Əzizova bir nəçə ay əvvəl həyat yoldaşı Güneli qətlə yetirmiş Kənan Əzizovun anasıdır. O, şəhərdə sələmçiliklə məşğul olan şəxs kimi tanınır.

Faktla bağlı araşdırma aparılır.