Mingəçevirdə kanalda batan şəxsin meyiti tapılıb -YENİLƏNİB

Yuxarı Qarabağ suvarma kanalının Mingəçevir şəhərindən keçən hissəsində batan şəxsin meyiti tapılıb.

Bu barədə "Report"a Fövqəladə Hallar Nazirliyindən məlumat verilib.

Bildirilib ki, batan şəxsin meyiti nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq çıxarılıb və aidiyyəti üzrə təhvil verilib.

22 oktyabr, 19:05

Mingəçevirdə kişi kanalda batıb.

"Report" xəbər verir ki, şəhər sakini, 39 yaşlı Bəxtiyar Məmmədov Qarabağ kanalının Mingəçevir şəhəri ərazisindən keçən hissəsində batıb.

Onun ehtiyatsızlıqdan suya düşdüyü ehtimal olunur.

B.Məmmədovun tapılması istiqamətində axtarışlar aparılır.