Dələduzluq etməkdə təqsirləndirilən şəxsin ibtidai istintaqı yekunlaşıb

Özünü yüksək vəzifəli şəxsin qohumu kimi təqdim edərək dələduzluqda təqsirləndirilən Əsəd Əsədovun ibtidai istintaqı yekunlaşıb.

"Report" xəbər verir ki, iş baxılması üçün Gəncə Ağır Cinayətlər Məhkəməsinə göndərilib və hakim Dadaş İmanovun sədrliyi ilə araşdırılacaq.

Məhkəmənin hazırlıq iclası dekabrın 28-nə təyin edilib.

Qeyd edək ki, Ə.Əsədov Gəncə şəhərində bir neçə sakinlərin etibarından sui-istifadə edərək əmlakını və pulunu dələduzluq yolu ilə ələ keçirib.

Daha sonra o, Gəncə Şəhər Baş Polis İdarəsi tərəfindən saxlanılıb.

Onun barəsində Cinayət Məcəlləsinin 178.3.2 (Dələduzluq, külli miqdarda ziyan vurmaqla törədildikdə) maddəsi ittiham olunub.