Bərdədə avtoqəzada ölənlərin sayı üçə çatıb - YENİLƏNİB

Bərdədə baş verən yol qəzasında ölənlərin sayı üçə çatıb.

"Report"un Qarabağ Bürosunun əldə etdiyi məlumata görə, rayonunun Mehdili kəndində qeydə alınan qəzada Əliyev Səyyaf Elnur oğlu, Əliyev Röyal Ələddin oğlu və Əliyev Ələddin Alı oğlu ölüb.

Qəzada xəsarət alan 1 nəfər azyaşlı isə Bərdə Mərkəzi xəstəxanasına yerləşdirilib.

Faktla bağlı araşdırma aparılır.

09:14

Bərdə rayonunun Mehdili kəndində iki avtomobil toqquşub, ölənlər var.

Bu barədə "Report"a Fövqəladə Hallar Nazirliyindən məlumat verilib.

Bildirilib ki, FHN-nin Qarabağ Regional Mərkəzinin xilasetmə qüvvələri hadisə yerinə cəlb olunub.

Onlar VAZ markalı minik avtomobillərində sıxılmış vəziyyətdə qalan iki nəfərin meyitini çıxararaq aidiyyəti üzrə təhvil veriblər.