Bakıdakı otellərdən birində qadın gənc sevgilisini qətlə yetirib - FOTO - VİDEO - YENİLƏNİB

Bakıdakı otellərdən birində qadın gənc sevgilisini qətlə yetirib - FOTO - VİDEO - YENİLƏNİB Qətl "Qrand" mehmanxanasının hamam otağında baş verib
Hadisə
4205
26 İyun , 2018 10:58
Bakıdakı otellərdən birində qadın gənc sevgilisini qətlə yetirib - FOTO - VİDEO - YENİLƏNİB

Bakı. 26 iyun. REPORT.AZ/ Gecə saatlarında Bakının Binəqədi rayonu, Əcəmi Naxçıvani küçəsində yerləşən "Qrand" oteldə qətlə yetirilən gənc oğlanın adı məlum olub.

"Report"un xəbərinə görə, bu, 1993-cü il təvəllüdlü Vüqar Atakişiyevdir.


*** saat 07:52

Bakı. 26 iyun. REPORT.AZ/ Gecə saatlarında Bakının Binəqədi rayonu, Əcəmi Naxçıvani küçəsində yerləşən "Qrand" oteldə qətl hadisəsi baş verib.

"Report" xəbər verir ki, 1987-ci il təvəllüdlü Sabunçu rayon sakini Günel Əliyeva təxminən 24 yaşlı sevgilisi ilə (hələlik ad-soyad açıqlanmır) otelin ikinci mərtəbəsindəki otağı kirayələyib.

Oteldə gecələyən zaman tərəflər arasında mübahisə düşüb. Mübahisə daha sonra hamam otağında davam edib. Bu zaman G.Əliyeva bıçaqla oğlanın boğazına, ardınca isə qoltuq nahiyəsinə bir neçə zərbə vurub. Oğlan boğazından dəyən zərbədən sonra huşunu itirərək yerə yıxılıb və hadisə yerində keçinib.

Əraziyə Binəqədi Rayon Polis İdarəsi və Prokurorluğunun əməkdaşları cəlb edilib. Meyit müayinə üçün Məhkəmə Tibbi Ekspertiza və Patoloji Anatomiya Birliyinə təhvil verilib.

G.Əliyeva ilkin ifadəsi zamanı sevdiyi oğlanın ona təcavüz edərək bakirəliyinə pozduğunu və bu səbəbdən ona evlənmək vəd etdiyini bildirib. Qadının sözlərinə görə, həmin hadisədən sonra onların arasında yaxınlıq davam edib və sonuncu görüşlərində oğlanın vədinə xilaf çıxdığını görərək onu öldürmək qərarına gəlib.

Faktla bağlı Binəqədi RPİ-də cinayət işi başlanılıb. G.Əliyeva və "Qrand" otelin rəhbərliyi saxlanılıb.

Son xəbərlər

Orphus sistemi