2024-cü ildə ölkədə 14 mindən çox təbii və texnogen mənşəli hadisə baş verib

2024-cü il ərzində Azərbaycanda 14 min 856 təbii və texnogen mənşəli hadisə baş verib.

Bu barədə "Report"a Fövqəladə Hallar Nazirliyindən (FHN) məlumat verilib.

Qeyd olunan rəqəm 2023-cü illə müqayisədə 305 hadisə və ya 2% azdır:

"Baş vermiş təbii və texnogen mənşəli hadisələr nəticəsində 83 nəfər həlak olub, 326 nəfər isə xəsarət alıb. Nazirliyin xilasediciləri tərəfindən 114 nəfər xilas edilib, 1450 nəfər təxliyə olunub".