Tanınmış mütəxəssis Ramil Şeydayevin komandasının baş məşqçisi ola bilər

Azərbaycan millisinin futbolçusu Ramil Şeydayevin formasını geyindiyi Rusiyanın “Dinamo” komandasının baş məşqçisi Dmitri Xoxlov istefaya göndərilə bilər.

“Report” sports.ru saytına istinadən xəbər verir ki, Moskva təmsilçisinin rəhbərliyi Premyer Liqanın startındakı nəticələrdən və sərgilənən oyundan narazıdır. Artıq 44 yaşlı mütəxəssisin yerinə namizəd də bəllidir. Bu, ötən mövsümün sonunda “Rubin”dən ayrılan Kurban Berdıyevdir.

Qeyd edək ki, “Dinamo” çempionatın ilk 2 turunda “Arsenal” komandası ilə səfərdə 1:1 hesablı heç-heçə etdikdən sonra evdə “Rubin”ə uduzub. Hazırda Moskva təmsilçisi 1 xalla 12-ci sıradadır.